Almennar fréttir

04. júní 2020

ÍAV lýkur jarðvinnu fyrir meðferðarkjarna og bílastæðahús LSH

Formleg verklok jarðvinnu vegna grunns nýs meðferðarkjarna og bílastæðahúss LSH voru í maí sl.  Eftir það hefur verið unnið við landmótun, gróðursetningu og hellulögn, ásamt frágangi á verksvæðinu.  Reiknað er með að þeim verkþáttum ljúki nú í júní.  Verkið hófst í júlí 2018 og á verktímanum hafa verið fjarlægðir um 400.000 rúmmetrar af efni, þar af sprengdir yfir 240.000 rúmmetrar.  Allt sprengt grjót hefur farið í landfyllingar í Laugarnesi.  Byggðir voru tveir tengigangar frá núverandi spítala, ásamt stoðveggjum og undirgöngum við Snorrabraut/Bústaðarveg.  Auk þess var unnið við gatnagerð, bílaplön og lagnir.  Á verktímanum komu um 70 manns að verkinu þegar mest var.

Twitter Facebook
Til baka

Landsbankinn – Fullnaðarfrágangur
16. apríl 2021

Landsbankinn – Fullnaðarfrágangur

Framkvæmdir á vegum ÍAV í Landsbankanum eru að fara á fullt. Verkefni ÍAV er fullnaðarfrágangur á byggingunni að innan og utan. Ísetning glugga hefst í lok apríl og uppsetning steinklæðningar í kjölfarið. Uppsteypuverktaki lýkur sínu verki um mitt sumar og þá getur frágangur innan og utanhúss hafist af krafti. Um er að ræða fimm hæða byggingu og kjallara á tveimur hæðum, sem mun skiptast í mismunandi áfanga, bankastarfsemi, skrifstofu- verslunar- og þjónusturými.

Römpum upp Reykjavík
12. mars 2021

Römpum upp Reykjavík

ÍAV er stofnaðili Römpum upp Reykjavík sem var hrundið af stað í gær 11.mars 2021. Markmiðið að koma fyrir 100 römpum í Reykjavík fyrir fólk á hjólastólum, eins fljótt og auðið er.

Fréttasafn