Gefur ágóðann til langveikra barna
Undanfarnar vikur hefur matreiðslubókin Rögguréttir selst í hundruðum eintaka. Hún finnst þó hvergi í bókabúðum þar sem um er að ræða sérstakt góðgerðarverkefni til styrktar Umhyggju - félagi til stuðnings langveikra barna.
Að verkefninu standa þær Ragnheiður Ketilsdóttir og Auður Steinarsdóttir, en báðar vinna þær hjá Íslenskum aðalverktökum, Ragnheiður sem matráður og Auður sem fjárreiðustjóri. Í samtali við mbl.is segir Ragnheiður að verkefnið hafi gengið vonum framar.