Almennar fréttir

21. apríl 2006

HS semja við ÍAV um jarðboranaverkefni

Íslenskir aðalverktakar og Hitaveita Suðurnesja hafa undirritað samning um borun á sjótökuholum á Reykjanesi.Í febrúar var efnt til útboðs um borun á tíu holum til töku á ferskvatnsblönduðum sjó til öflunar kælivatns vegna Reykjanesvirkjunar sem nú er í byggingu. Að afloknu útboði var ákveðið að ganga til samninga við ÍAV en tvö tilboð bárust í verkið frá Jarðborunum og ÍAV. Tilboð ÍAV reyndist hagstæðara og er 96% af kostnaðaráætlun. Gert er ráð fyrir að verkið hefjist í ágúst 2005.

Með samningi þessum er ÍAV að vinna að verkefni í jarðborunum í fyrsta sinn. Það er í takt við stefnu fyrirtækisins að sækja inn á nýjan markað og stuðla enn frekar að uppbyggingu fyrirtækisins og áframhaldandi vexti. Verkefni þetta fellur vel að kjarnastarfsemi fyrirtækisins og mun þekking starfsmanna nýtast vel í verkefni þessu.

 

 

 

Twitter Facebook
Til baka

Fréttasafn