Almennar fréttir

09. apríl 2008

Til hamingju!

Föstudaginn 26. október var formlega tekin í notkun nýr og glæsilegur fjórtán hæða turn sem er viðbygging við Grand Hótel Reykjavík. Íslenskir aðalverktakar óska eigendum og starfsfólki til hamingju með fallega byggingu, með þakklæti fyrir samstarfið.

Þann 23. september 2005 var fyrsta skóflustunga tekin og hófust framkvæmdir þegar í stað. Byggingin er rúmlega 14.000 fermetrar á fjórtán hæðum og samanstendur af kjallara, 12 heilum hæðum, inndreginni hæð og hæð sem skilur húsin í tvær einingar. Byggingin er háreist og tignarleg og hýsir turninn 209 rúmgóð herbergi auk þess sem gerður var nýr aðalinngangur, gestamóttaka sem tengist yfirbyggðum innigarði og þjónusturými í kjallara og á fyrstu hæð.

Eldri hluti hótelsins er rúmlega 8.000 fermetrar og með viðbyggingunni er heildarflatarmál byggingarinnar því orðið rúmlega 22.000 fermetrar og herbergin 314 talsins.

Twitter Facebook
Til baka

Fréttasafn