Fréttir

26. mars 2019

ÍAV og bandaríski sjóherinn semja um 1,4 milljarða verkefni

Bandaríski sjóherinn og ÍAV hafa undirritað samning um viðhald og endurbætur á öryggissvæðinu á Keflavíkurflugvelli. Þetta kemur fram í tilkynningu frá Utanríkisráðuneytinu.

Viðhaldsverkefni ÍAV á öryggissvæðinu taka til endurbóta á flugvélastæðum, akstursbrautum flugvéla og ljósakerfum fyrir flugvélastæði og akstursbrautir flugvéla í tengslum við komu kafbátaleitarvéla sjóhersins hingað til lands.

Áætlaður kostnaður er 11.500.000 Bandaríkjadalir, jafnvirði tæpra 1,4 milljarða króna.

Um er að ræða fyrstu framkvæmdir á vegum bandarískra stjórnvalda á Íslandi í að minnsta kosti 12 ár eða síðan varnarliðið hvarf af landi brott haustið 2006.

Búist er við að framkvæmdir hefjist á næstunni og taki um tvö ár.

Heimild: Sudurnes.net

Twitter Facebook
Til baka

 

Nýr verksamningur
13. maí 2019

Nýr verksamningur

Bjarg Íbúðafélag hses. og ÍAV undirrituðu þann 10. maí 2019 verksamning sem felur í sér að ÍAV byggi og afhendi 99 almennar leiguíbúðir í samtals í fjórum 2-5 hæða blokkum með 6 stigagöngum. Blokkirnar munu rísa við Hraunbæ í Reykjavík

Skóflustunga að fjölnota íþróttahúsi
04. maí 2019

Skóflustunga að fjölnota íþróttahúsi

Í lok síðasta árs var auglýst eftir umsóknum um þátttökurétt í lokuðu alútboði vegna hönnunar og byggingar á fjölnota íþróttahúsi í landi Vífilsstaða í Garðabæ.

Viðtal við Sigurð R. Ragnarsson forstjóra ÍAV
25. mars 2019

Viðtal við Sigurð R. Ragnarsson forstjóra ÍAV

Sigurður R. Ragnarsson, forstjóri Íslenskra aðalverktaka, segir útlitið fyrir byggingariðnaðinn vera gott, nú þegar 840 milljarða framkvæmdir eru í pípunum, svo fremi sem verkföll setja ekki strik í reikninginn.

Fréttasafn