Gerð aðkomuganga við Kárahnjúka lokið á undan áætlun
Starfsmenn ÍAV hafa lokið gerð aðkomuganga við Kárahnjúka á undan áætlun en samkvæmt samningi átti að skila verkinu í síðasta lagi 15. apríl nk. Einungis á eftir að að snyrta og styrkja göngin og verður því lokið fyrir 10. apríl.
Aðkomugöngin svokölluðu eru frá munna á vesturbakka Jökulsár á Dal, neðan við væntanlega stíflu í Hafrahvammagljúfrum. Þau eru um 6 metra há og 6 metra breið, um 720 metra löng með allt að 13,5% halla inn undir stífluna. Til fróðleiks má geta þess að veghalli í Hvalfjarðargöngum að norðan er um 8%.