Glæsilegar höfuðstöðvar Orkuveitu Reykjavíkur vígðar
Þann 23. apríl 2003 voru glæsilegar nýjar höfuðstöðvar Orkuveitu Reykjavíkur vígðar. Starfsmenn ÍAV hófu framkvæmdir við innanhúsfrágang febrúar 2002.
Byggingin er 14.000 fermetrar að stærð og skiptist í tvö sjálfstæð hús sem eru annars vegar sjö hæða ferhyrnd bygging og hins vegar átta hæða bogalaga bygging. Húsin tvö eru tengd saman með 27 metra hárri glerhvelfingu. Um 7.400 fermetrar eru parketlagðir í húsinu og er það stærsta parketlagða gólf á Íslandi. Terrassó er á 2.000 fermetra gólfrými og er það stærsta terrassó gólf sem lagt hefur verið hér á landi. Um 7.000 fermetrar af loftum hússins eru klæddir með álpanel og er það stærsta panelklædda loft landsins.