Internetsamband í hæstu hæðum
Íslenskir aðalverktakar hafa sett upp internetsamband um gervihnött vegna framkvæmda við Kárahnjúkaveg. Komið hefur verið fyrir fjarskiptastöð sem þjónar starfsmönnum ÍAV á staðnum. Um er að ræða 512 Kb sítengt internetsamband um Eutelsat gervihnött með IP síma. Móttökuskilyrði eru mjög góð, en stöðin er í um 730 metra hæð yfir sjávarmáli og því sú hæsta á landinu. Auk gervihnattasambands, sér stöðin um endurvarp talstöðvarsambands og í stöðinni er NMT fax, en skilyrði fyrir GSM síma er afleitt á þessum slóðum.