Vel gengur með aðkomugöngin við Kárahnjúka
Vel hefur gengið hjá starfsmönnum ÍAV með vinnu við aðkomugöngin við Kárahnjúkastíflu. Göngin voru þann 12. janúar 2003 orðin rúmlega 100 metra löng.
Þá var lokið við að sprauta fyrstu steypunni á gangnaveggina til að fyrirbyggja hrunhættu. Sprautað var 42 rúmmetrum en það svarar til steypu úr 12 steypubílum. Göngin eru frá munna á vesturbakka árinnar neðan við fyrirhugaða stíflu og verða alls um 720 metra löng. Áætlað er að gerð þeirra ljúki í apríl nk.