Reykjaneshöllin er fyrsta fjölnota íþróttahúsið á Íslandi.

Höllin sem er alls tæpir 8.100 fm skiptist í íþróttahús, 7.840 fm og þjónustuhús sem er 252 fm. Í þjónustubyggingunni er að finna fundarherbergi, fjóra búnings og baðklefa ásamt annarri aðstöðu. 

Íþróttasalur Reykjaneshallarinnar er 108 m að lengd og 72,6 m á breidd. Hæð hússins yfir hliðarlínum er 5,5 m og yfir miðju vallar er hún 12,5 m.

Hægt er að skipta íþróttavellinum í tvo hluta með tjaldi, sem er mjög létt í meðförum. Íþróttasalurinn er hitaður upp með lofti og er þar góð loftræsting.